तुझ्या भेटीची आस या पावली ।
माय-बाप माझी विठू माऊली ।।
पुंडलिका साठी उभा विटेवरी
हात दोन्ही आहेत कटेवरी
भक्तांचा पाठीराखा सावळा हरी
दर्शनाचा अभिलाषी विठूचा वारकरी
नामघोष याचा पावलो-पावली ।
माय-बाप माझी विठू माऊली ।।१।।
चंद्रभागे तीरी याची नगरी
नाथ हा जिचा ती पंढरी
भक्तांच्या जीवनाला तो उद्धारी
तुळशी वृंदावन वारकऱ्यांच्या दारी
वारकऱ्यांच्या डोई प्रेमाची सावली ।
माय-बाप माझी विठू माऊली ।।२।।
चंद्रभागेला भेटायला येते इंद्रायणी
विठू माऊलीच फक्त ध्यानी आणि मणी
डोंबा घरी हरी भरतो पाणी
माउली माउली हर एकाच्या वाणी
वसे हृदयी न आवडे त्यास राऊळी ।
माय-बाप माझी विठू माऊली ।।३।।