गांभीर्य

कधी सावध होणार आम्ही
कधी स्वतःला सावरणार आम्ही
शत्रू बाहेर वाट बघतोय,
कधी दबा धरून बसायला शिकणार आम्ही.

बाहेर जाताना आम्ही, मास्क सुध्दा नाही हो नेत
कुटुंबाचा विचार सुध्दा, नाही हो आम्हाला येत
संकट आलं देशावर जागं आता झालं पाहिजे
परिस्थितीचा सामना करायला सावध आता झालं पाहिजे

देशभक्ती दाखवायची हीच वेळ आहे
शस्त्राची गरज नाही वेळच संहारक आहे
डॉक्टर-पोलिस सेवेत आपल्या आहेत
आपण मात्र अजूनही बेसावध आहोत

वेळ अजूनही गेलेली नाहीये
मेल्या पेक्षा घरात राहणं वाईट नाहीये
आपल्या घरात तो आल्यानंतर आम्ही सुधारणार का?
आपल्या निष्काळजीपणा साठी जीवावर उदार होणार का?

जय हिंद!

काळजी घ्या. घराच्या बाहेर पडू नका. प्रशासन दिवसरात्र आपल्यासाठी मेहनत करतय थोडं सहकार्य करा.

#Covid-19