यश-अपयश

एकाच नाण्याच्या दोन बाजू
एक आपलीशी तर नकोशी वाटते दुसरी
आकाश दाखवते पहिली
तर जमीन दाखवते, ती बाजू दुसरी

यश-अपयश दोन्ही गरजेचे,
हेच सांगतात कोण आपले आणि कोण परके.
अपयशाच्या अंधारात सोडणारे
यश रुपी उजेडात मात्र सगळ्यांच्या पुढचे

अपयश आल्यानंतर
यशाची किंमत कळते
तेव्हा उभा राहतो एक अभेद्य माणूस
आणि मग यश सुद्धा त्याच्याकडे वळते

कीव येते त्यांची जे एक बाजू बघून
दुसरी बघण्या आधीच जातात निघून
नाण्याच्या दोन्ही बाजू यशात बदलतात जेव्हा,
दुसरी काय नाही करायचं शिकवते तेव्हा.

                                          - योगेश अमृते

Failure is a way of the destination called success.