संकट आलंय खूप मोठं
लढायला तयार रहायचंय
ते सगळं राहिलं बाजूला
आम्हाला तर राजकारण करायचंय
पहिल्या पासून आम्ही हेच केलं
आम्ही फक्त राजकारणच केलं
मंदिर-मशीद, जात-पात
आम्ही सगळं यामध्ये आणलं
विकासाचं सत्र मात्र मध्येच
कुठेतरी थांबलं
सत्तेसाठी नेत्याला बाप आम्ही केलं
पहिल्यापासून आम्ही फक्त राजकारणच केलं
देशात महामारी अथवा महापूर येवो
दुष्काळ पडो नाहीतर अतिवृष्टी होवो
देशाचं जे व्हायचं ते होवो
पण पुढच्या वेळी सत्तेत मात्र आमचाच पक्ष येवो
देशावर आलेल्या संकटांच आम्ही एकच केलं
आम्ही फक्त राजकारणच केलं
पक्ष येतील पक्ष जातील
पण देश कायम राहणार आहे
देवच जाणे आम्हाला पक्षा पेक्षा
देश कधी महत्त्वाचा वाटणार आहे
मुद्दा कुठलाही असो सोडवण्या ऐवजी आम्ही एकच केलं
आम्ही फक्त राजकारणच केलं
तुमच्या आरोप प्रत्यारोपाच्या
नादात, हाल जनतेचे झाले
विकासकामे तर राहिलेच बाजूला
तुमच्या पर्यंत आवाज पोचण्या आधीच उद्ध्वस्त कुटुंब झाले
देश सेवा करू म्हणत आम्ही एकच केलं
आम्ही फक्त राजकारणच केलं
Dedicated to all the political parties of India.
No comments:
Post a Comment